Asesoría Laboral

A indemnización por despedimento improcedente é de 33 días de salario por ano traballado (cun máximo de 24 mensualidades) para os contratos a partir do 12 de febreiro de 2012. Para a parte do contrato anterior a esa data, o cálculo é de 45 días/ano cun máximo de 42 mensualidades. En Gestoría Gala calculámosche a indemnización exacta que che corresponde.

O prazo para impugnar un despedimento é de 20 días hábiles desde a data do despedimento. É un prazo moi curto, polo que é fundamental actuar con rapidez. Antes de ir ao xulgado, hai que intentar a conciliación previa ante o SMAC, o que interrompe o prazo. Chámanos en canto che comuniquen o despedimento.

O despedimento disciplinario baséase nun incumprimento grave do traballador (impuntualidade, desobediencia, acoso, etc.) e en principio non xera indemnización se se declara procedente. O despedimento obxectivo obedece a causas económicas, técnicas, organizativas ou de produción da empresa, e leva sempre aparellada unha indemnización de 20 días/ano traballado (máximo 12 mensualidades).

A prestación contributiva por desemprego é o 70% da base reguladora durante os primeiros 180 días e o 60% a partir do día 181, cun mínimo e máximo establecido cada ano. Para ter dereito precisas ter cotizado polo menos 360 días nos últimos 6 anos. En Gestoría Gala tramitamos o paro e infórmámoste do importe exacto que che corresponde.

A xubilación anticipada voluntaria permite xubilarse 2 anos antes da idade ordinaria se tes polo menos 35 anos cotizados. A xubilación anticipada involuntaria (por causa non imputable ao traballador) permite facelo 4 anos antes con 33 anos cotizados. En ambos os casos aplícanse coeficientes redutores á pensión. Calculámosche canto cobrarías en cada escenario.

Non pode facelo unilateralmente se afecta condicións esenciais do contrato (salario, xornada, funcións, lugar de traballo). O Estatuto dos Traballadores establece un procedemento formal de modificación substancial con preaviso de 15 días. Se a empresa o fai de forma irregular, tes dereito a rescindir o contrato con indemnización equivalente ao despedimento improcedente.